O luns quedaremos nunha situación intermedia pouco definida, con aire frío en altura que será fonte de inestabilidade atmosférica. A xornada comeza con ceos parcialmente nubrados sen descartar algunha chuvia feble ao norte. Pola tarde, medrarán nubes de evolución que poden derivar en algún chuvasco, máis probable en comarcas do interior. As temperaturas non terán cambios significativos. O vento soprará frouxo do noroeste.