Catorce toneladas de residuos menos nos fondos da ría de Arousa
Por Redacción
A confraría de pescadores e mariscadores de Cambados, en colaboración co proxecto Plancton que impulsa a Obra Social de Afundación, retirou preto de catorce toneladas de residuos nos fondos da ría de Arousa, concretamente nas zonas onde este sector realiza a súa actividade diaria.
En decembro de 2022 instalouse no porto de Tragove un contedor que se baleira periodicamente. Dado o resultado da iniciativa, confraría e entidade bancaria renovaron a súa colaboración e actualmente continúan con esta acción.
Desde entón ata o de agora completáronse ata dez contedores que cifran esas catorce toneladas de lixo.
Durante a recollida adóitanse atopar útiles de pesca como restos de cabos, cordas, redes, boias, nasas, ou defensas de embarcacións que se extravían, pero tamén é habitual recoller outros residuos como toallas hixiénicas, envases de plástico, latas, botellas de vidro, briks, envoltorios, calzados e pezas téxtiles.
Plancton é unha iniciativa de sustentabilidade de Abanca e Afundación para promover entre todos os sectores sociais unha actuación responsable para garantir os recursos existenes sen poñelos en risco para futuras xeracións.
Relacionadas:
-
Retiradas 1,3 toneladas de lixo mariño na contorna de Guidoiro Areoso
Por Redacción |
-
Retiran 2.300 quilos de residuos do fondo do porto de Portonovo
Por Redacción |
-
Xornada de limpeza dos bancos marisqueiros do fondo da ría
Por Oskar Viéitez |
-
Abandonan un sofá no parque forestal da Tomba
Por Oskar Viéitez |
-
O Porto de Marín retirou 1.337 toneladas de residuos durante o ano pasado
Por Redacción |
-
Retiran 1.200 quilos de lixo mariño dos fondos do porto de Sanxenxo
Por Redacción |