Irlanda escolle Pontevedra como caso de estudo e análise
Por Redacción
O Goberno de Irlanda seleccionou ao Concello de Pontevedra como caso de estudo polo seu modelo de mobilidade: quere coñecer os mecanismos de redución do tráfico que se aplicaron na Boa Vila e levar as recomendacións pontevedresa até Irlanda para, de ser posible, adaptalas e aplicalas no seu país.
O alcalde, Miguel Anxo Fernández Lores, acompañado do edil de Mobilidade, César Mosquera, e os directores xerais, Jesús Gómez Viñas e Daniel Macenlle, recibiron este martes a dúas investigadoras da Escola de Arquitectura, Construción e Medio Ambiente da Universidade Tecnolóxica de Dublín enviadas pola Autoridade de Seguranza Viaria irlandesa (RSA) co fin de intercambiar coñecemento.
A parella de investigadoras leva desde o luns coñecendo a cidade, comentando as súas positivas impresións e destacando como a teoría "foi transformada en realidade". Na actualidade, a Road Safety Authority (RSA) está a realizar un informe para mellorar a seguranza viaria para as persoas no país gaélico.
Segundo o explicado polas investigadoras, a Estratexia de Seguranza Viaria do Goberno (2021-2030) pretende estudar diversos casos en países que adoptaron mecanismos para reducir o tráfico retirando automóbiles das zonas urbanas co propósito de comprender enfoques que poderían adoptarse en Irlanda, revisar os procesos para poñer en marcha esas políticas, e avaliar resultados cando estean dispoñibles, ademais de incluír recomendacións para a súa consideración.
Relacionadas:
-
Pontevedra acollerá en 2025 un congreso sobre desprazamento activo, saudable e sostible
Por Alejandro Espiño |
-
Lores, "o alcalde que priorizou os peóns antes de que estivese de moda", segundo a cadena estadounidense Bloomberg
Por Alejandro Espiño |
-
Representantes de Brasil e Italia visitan 'a cidade dos 15 minutos' dentro do proxecto 'AcessoCidades'
Por Oskar Viéitez |
-
Así ve a cidade de Pontevedra a revista estadounidense Fast Company
Por Alejandro Espiño |
-
Miguel Anxo Fernández Lores: "Que Pontevedra sexa a capital mundial do tríatlon non é casualidade. Hai moito traballo detrás"
Por Alejandro Espiño & Mónica Patxot |